<

SKEIÐ Í MATVØRUREINFØRI

Skeiðið er ætlað starvsfólkum, ið arbeiða við at matgera, tilvirka og selja mat, so sum fiskavirkjum, verksmiðjuskipum, matvøruframleiðarum, matstovum, bakaríum, handlum o.ø.

Endamálið við skeiðnum er at geva luttakarunum eina grundleggjandi vitan innan matvørureinføri og innlit í reinførar arbeiðshættir.

Innihald

Luttakararnir fáa innlit í hvussu umráðandi tað er við reinførum arbeiðsháttum, fyri at vøran skal vera so trygg sum gjørligt.

Á skeiðnum verður millum annað greitt frá:

  • Hvar serliga nógvar bakteriur finnast, og hvussu tær nørast
  • Sjúkuelvandi bakterium og soppum
  • Reinføri og reinførum arbeiðsháttum
  • Hvussu smáverur ferðast og hvussu vit kunnu forða hesum við reinførum arbeiðsháttum.

  • Prísur og dato

    Prísurin fyri virkisskeið úti á virkjum, verður settur í mun til luttakararnar.

    Skeiðið verður somuleiðis hildið á Bryggjubakka 4, í Tórshavn. Ring ella skriva fyri at fáa nærri at vita um dato og prís.

    Ynskir tú at fáa meiri vitan um skeiðið, ert tú vælkomin at seta teg í samband við Atlanticon á tlf.: 212211 ella 319685.